Milliinfo.az

Nur-Sultan və Almatı arasında aviareyslər mayın 1-dən açılacaq

Qazaxıstanda mayın 1-dən Nur-Sultan və Almatı arasında aviareyslər bərpa olunacaq.

AZƏRTAC xəbər verir ki, bu barədə Qazaxıstan Prezidenti Kasım-Jomart Tokayev əhaliyə müraciətində deyib.

“Koronavirus pandemiyası ilə əlaqədar ölkədə bütün sərnişindaşımalar dayandırılıb. Lakin vəziyyətin nisbətən sabitləşməsini nəzərə alsaq, həm vətəndaşlar, həm də bir çox mütəxəssislərin, o cümlədən virusa qarşı mübarizədə iştirak edənlərin işi üçün mayın 1-dən paytaxtla Almatı arasında aviareyslərin açılması vacibdir”, - deyə o bildirib.

Xatırladaq ki, Qazaxıstanda COVID-19 pandemiyası səbəbindən fövqəladə vəziyyətin elan edilməsi ilə əlaqədar ölkədə sərnişindaşımaların bütün növlərinin fəaliyyətinə (istisnalar olmaqla) məhdudiyyətlər qoyulmuşdu.

İlahə Əhmədova