Milliinfo.az

“S&P Global” ABŞ neftinin iyul ayı üzrə fyuçers müqavilələrini avqust müqavilələri ilə dəyişir

Ən çox izlənilən əmtəə indeksinə sahib olan “S&P Global Inc” ABŞ-ın “Light” markalı xam neftinin iyul ayı üzrə fyuçers müqavilələrini avqust müqavilələri ilə dəyişəcəyini açıqlayıb.

AZƏRTAC xəbər verir ki, dünyanın ən böyük neft əsaslı birjaya investisiya fondu (ETF) olan “The United States Oil Fund LP” (USO) isə “Light” neftinin iyul ayı üzrə fyuçers müqavilələrindəki aktivlərini yarıya endirəcəyini bildirib.

Xatırladaq ki, USO ötən həftə gözlənilmədən “Light”ın iyun ayı üzrə aktiv fyuçers müqavilələrini satmağa başlayıb. “The United States Oil Fund LP” son iki həftə ərzində investisiya strategiyasını 5 dəfə dəyişib. Fond, həmçinin neftin qiymətinə görə investorların qiymətləndirmələrinin əhəmiyyətli dərəcədə dəyişə biləcəyi barədə xəbərdarlıq edib.

Qeyd edək ki, hazırda Nyu-Yorkun NYMEX birjasında ABŞ-ın “Light” markalı neftinin bir barreli 18,25 dollara satılır.