Gündəm / Siyasət
08 fevral 2022
26
Əmək pensiyaçılarına 200 manat maddi yardım ödəniləcək
![Əmək pensiyaçılarına 200 manat maddi yardım ödəniləcək Əmək pensiyaçılarına 200 manat maddi yardım ödəniləcək](http://azadmedia.az/uploads/posts/2022-02/1644308365_1644307867_16282488064208126323_1000x669-1.jpg)
Prezident İlham Əliyev "Əmək pensiyaçılarının sosial müdafiəsi sahəsində əlavə tədbirlər haqqında" sərəncam imzalayıb.
Sərəncamda deyilir:
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Əhalinin sosial rifahının qorunması sahəsində əlavə tədbirlər haqqında” Azərbaycan Respublikası Prezidentinin 2021-ci il 16 oktyabr tarixli 2965 nömrəli Sərəncamının icrası olaraq əmək pensiyaçılarının sosial müdafiəsini gücləndirmək, COVID-19 pandemiyasının, habelə beynəlxalq bazarlardakı proseslərin ölkədaxili qiymətlərə sirayət etməsinin əmək pensiyaçılarının sosial rifahına mənfi təsirlərini yumşaltmaq, həmçinin postmüharibə dövründə xüsusi əhali qruplarına dövlət qayğısını artırmaq məqsədilə qərara alıram:
1. Azərbaycan Respublikasının Əmək və Əhalinin Sosial Müdafiəsi Nazirliyi:
1.1. 2022-ci il yanvarın 1-nə 2021-ci il üzrə Azərbaycan Respublikası Dövlət Statistika Komitəsinin müəyyən etdiyi:
1.1.1. orta aylıq nominal əməkhaqqının illik artım tempinə uyğun olaraq 2022-ci il yanvarın 1-dək təyin edilmiş bütün növ əmək pensiyalarının sığorta hissəsinin;
1.1.2. istehlak qiymətləri indeksinin illik səviyyəsinə uyğun olaraq fərdi uçot sistemində fərdi hesabların sığorta hissəsində 2022-ci il yanvarın 1-dək qeydə alınmış pensiya kapitalı məbləğlərinin indeksləşdirilməsini həyata keçirsin;
1.2. bu Sərəncamın 1.1-ci bəndində nəzərdə tutulmuş indeksləşdirməyə əlavə olaraq, 2022-ci il yanvarın 1-dək pensiya təyin edilmiş əmək pensiyaçılarına (qulluq stajına görə əlavələr alan əmək pensiyaçıları istisna olmaqla) 2022-ci il üzrə 200 (iki yüz) manat məbləğində maddi yardımın bərabər hissələrlə rübdə bir dəfə olmaqla ödənilməsini təmin etsin.
2. Azərbaycan Respublikasının Nazirlər Kabineti:
2.1. bir ay müddətində:
2.1.1. bu Sərəncamın 1.2-ci bəndində nəzərdə tutulan maddi yardımın 2023-cü il yanvarın 1-dən etibarən onun şamil edildiyi əmək pensiyaçılarının illik pensiyalarının tərkibinə daxil edilməsinə dair təkliflərini Azərbaycan Respublikasının Prezidentinə təqdim etsin;
2.1.2. qulluq stajına görə əlavə alan əmək pensiyaçılarının əmək pensiyalarının indeksləşdirilməklə artırılması mexanizminə, habelə həmin şəxslərə 2022-ci ildə maddi dəstək göstərilməsinə dair təkliflərini Azərbaycan Respublikasının Prezidentinə təqdim etsin;
2.1.3. bu Sərəncamın 1.2-ci bəndində nəzərdə tutulmuş maddi yardımın dövlət büdcəsinin vəsaiti hesabına maliyyələşdirilməsi üçün tədbirlər görsün;
2.1.4. bu Sərəncamdan irəli gələn digər məsələləri həll etsin.
![](/templates/everyday-106-blue/images/728rkl.jpg)
Daha çox xəbər:
![Əməkhaqqı, pensiya, sosial müavinət, təqaüd və digər sosial ödənişlər artırılacaq - SƏRƏNCAM](/uploads/posts/2021-10/medium/1634391799_ilham_aliyev_main_photo_200320_2.jpg)
Əməkhaqqı, pensiya, sosial müavinət, təqaüd və digər sosial ödənişlər artırılacaq - SƏRƏNCAM
Gündəm / Cəmiyyət![Prezidentdən bu şəxslərlə bağlı VACİB SƏRƏNCAM](/uploads/posts/2019-05/1557238441_1183243.jpg)
Prezidentdən bu şəxslərlə bağlı VACİB SƏRƏNCAM
Siyasət![İlham Əliyev FƏRMAN İMZALADI](/uploads/posts/2021-09/medium/1631789612_1626448762.ilham.jpg)
İlham Əliyev FƏRMAN İMZALADI
Gündəm / Siyasət![1 milyonadək işçinin maaşı və 130 minədək tələbənin təqaüdü artırılacaq - RƏSMİ](/uploads/posts/2021-10/medium/1634542146_1634032460.pull.jpeg)
1 milyonadək işçinin maaşı və 130 minədək tələbənin təqaüdü artırılacaq - RƏSMİ
Gündəm / Cəmiyyət![Prezidentdən şəhid ailələri ilə bağlı FƏRMAN](http://azadmedia.az/uploads/posts/2021-12/thumbs/1639649968_1639649720_2021-06-11-10-10-45akm4zosxh5aqi25wnyav_file.jpg)
Prezidentdən şəhid ailələri ilə bağlı FƏRMAN
Gündəm / Siyasət