Türkiyəli iş adamı "Çelsi"ni almağa hazırlaşır

Xəbər verdiyimiz kimi, "Çelsi"nin sahibi, rusiyalı iş adamı Roman Abramoviç klubu satmağa hazırlaşır.

London təmsilçisinə müştəri olanlar arasında türkiyəli iş adamı Muhsin Bayrak da var. Türkiyənin "Yeni Şafak" qəzetinin yazdığına görə, biznesmen hazırda Abramoviçin vəkilləri ilə danışıqlar aparır. Mənbə tezliklə razılığın əldə oluna biləcəyini də yazıb.

Xatırladaq ki, Roman Abramoviç Rusiyanın Ukraynaya hərbi müdaxiləsindən sonra Böyük Britaniyada sanksiyalarla üzləşib və bu səbəbdən uzun illərdir sahibi olduğu "Çelsi"ni satmaq qərarına gəlib.