Milliinfo.az

Nasa Aya insan göndərmək üçün 3 şirkətlə razılaşdı

ABŞ-ın Milli Aeronavtika və Kosmos İdarəsi (NASA) Aya insanlı uçuş missiyasını təşkil etmək üçün “SpaceX”, “Blue Origin” və “Dynetics” şirkətləri ilə razılığa gəlib.

Bu barədə NASA-nın rəsmi internet səhifəsində açıqlama verilib. Qeyd olunub ki, 2024-cü ilə qədər Aya astronavtları apara biləcək eniş sistemlərini inkişaf etdirmələri üçün “SpaceX”, “Blue Origin” və “Dynetics” kosmik şirkətləri ilə müqavilə bağlayıb.

Növbəti insanlı missiya üçün bu üç şirkət NASA-nın eniş sisteminlərini dizayn və inkişaf etdirmək məqsədilə birlikdə çalışacaqlar.

Keçən il Ceff Bezosun “Blue Origin” şirkəti “Blue Moon” adlı aya eniş sisteminin dizaynını təqdim etmişdi. Bununla yanaşı gələn aydan etibarən “SpaceX” NASA üçün Aya 100 tonadək yük göndərə biləcək “Starship” eniş sistemini inkişaf etdirəcək.

“Dynetics” şirkəti isə eniş sistemlərini inkişaf etdirmək üçün 25 əməkdaşdan ibarət bir qrupa rəhbərlik edəcək.