Əfqanıstanda yalnız şəriət qanunları hökm sürür - Taliban

Bundan sonra Əfqanıstanda yalnız şəriət qanunları qüvvədədir.

Bu bəyanatla Taliban hərəkatının ali lideri Heybətullah Axundzadə çıxış edib.

"Mövcud siyasi sistem Quran və şəriətə əsaslanır", - deyə o bildirib.

Taliban lideri Dohada ABŞ-la danışıqlar prosesinin şəriət qanunlarına əsaslandığını, bu danışıqlarda dinə qarşı heç bir addım atılmadığını iddia edib.

Axunzadənin sözlərinə görə, əvvəllər Əfqanıstan qanunvericiliyi Avropa, Amerika və Britaniya mənşəli idisə, indi qanunvericilik prosesinin əsasını yalnız Quran, fiqh və hədislər təşkil edəcək.