Milliinfo.az

İŞİD tərəfindən edam edilənlərin atıldığı «Dəhşət dərəsi»nin görüntüləri yayımlanıb

Bakı, 5 may, SalamNews, B.Samid. “Human Rights Watch” Suriyanın şimal-şərqində İŞİD-in kütləvi məzarlıq kimi istifadə etdiyi “Dəhşət dərəsi” barədə reportaj hazırlayıb.

SalamNews EvroNews-a istinadla xəbər verir ki, “Human Rights Watch”ın hazırladığı reportaja görə “Dəhşət Dərəsi” Rəqqa şəhərinin 85 km şimalında yerləşir.

Ərazi 3 il ərzində İŞİD-in nəzarətində olan zaman edam edilənlərin cənazələrinin atıldığı məkan kimi istifadə edilib.

Dərinliyi 50 metr olan dərə ətrafında və onun içində çəkilişlər aparan “Human Rights Watch” əməkdaşları burada yüzlərlə cəsədin olduğunu bildirib və cinayətkarların təqib edilib, tapılması üçün beynəlxalq müstəvidə araşdırmaların aparılmasını istəyiblər.

Qeyd edilir ki, münaqişədən öncə bura turizm məkanı kimi istifadə edildiyi halda indi yüzlərlə cənazənin olduğu "Dəhşət dərəsi" kimi yadda qalıb.