Millinfo.az

ABŞ-ın neft anbarlarının üçdə ikisi dolub

ABŞ-ın neft anbarları 24 aprel tarixinə 61% dolub.

“Report” TASS-a istinadən xəbər verir ki, bu barədə ABŞ Energetika Nazirliyinin Enerji Məlumatları İdarəsinin (EIA) məlumatında deyilir.

İndi anbarda, təxminən, 397,9 milyon barel neft var. İdarənin məlumatlarına əsasən, maksimum tutum 653,5 milyon bareldir.

Kuşinqdəki (Oklahoma ştatı) saxlanc 81% dolub (61,3 milyon barel). EIA-dan verilən məlumata görə, Meksika körfəzi və Orta Qərbi ABŞ-da saxlanclardan istifadə göstəricisi müvafiq olaraq 60% və 65%-dir (221,6 və 111,8 milyon barel).

Martın 13-dən 24-dək olan müddətdə ABŞ-da neft ehtiyatları 16% - 73,9 milyon barel artıb. ABŞ-dakı xammal ehtiyatları ilin bu dövrü üçün əvvəlki beş ildəki orta göstəricidən artıqdır, lakin hələ də beşillik diapazon daxilindədir.