Gündəm / Siyasət
21 iyul 2022
7 673
Azərbaycan Prezidentinin Bolqarıstanın Baş naziri ilə geniş tərkibdə görüşü keçirilib
![Azərbaycan Prezidentinin Bolqarıstanın Baş naziri ilə geniş tərkibdə görüşü keçirilib Azərbaycan Prezidentinin Bolqarıstanın Baş naziri ilə geniş tərkibdə görüşü keçirilib](http://azadmedia.az/uploads/posts/2022-07/1658417791_1658417263_972c53b3-302f-3bf2-8cac-f563d0bf6e0f_850.jpg)
İyulun 21-də Azərbaycan Respublikasının Prezidenti İlham Əliyevin Bolqarıstan Respublikasının Baş naziri Kiril Petkov ilə geniş tərkibdə görüşü keçirilib.
Görüşdə çıxış edən Prezident İlham Əliyev dedi:
- Hörmətli Baş nazir və nümayəndə heyətinin üzvləri. Bir daha xoş gəlmisiniz. Elə indicə qarşılıqlı maraq doğuran bir çox məsələlərlə bağlı cənab Baş nazirlə çox yaxşı müzakirəmiz oldu və tərəfdaşlığımızın gücləndirilməsi üçün bir çox imkanları müəyyən etdik. Bu gün öncə müzakirə etdiyimiz kimi Bolqarıstanla Azərbaycan arasında strateji tərəfdaşlıq əməkdaşlığımızın inkişaf etdirilməsi üçün həqiqətən yaxşı əsasdır. Biz bir neçə il əvvəl Strateji Tərəfdaşlıq barədə Bəyannaməni imzalamışıq. Hesab edirəm ki, bu sənədi iqtisadi, sənayenin inkişafı, ticarət, enerji, daşımalar, turizm, yüksək texnologiyalar və digər sahələrdə əməkdaşlığımızın olduqca praktiki nəticələrinə çevirmək vaxtı artıq yetişib. Əlbəttə ki, biz əsasən enerji təhlükəsizliyi məsələlərini müzakirə etdik və bu müzakirəni davam etdirəcəyik. Lakin, eyni zamanda, coğrafi yerləşməni, Avropa və Azərbaycanın dəmir yolu sistemini birləşdirmək üçün qonşularımızla həyata keçirdiyimiz layihələri, Azərbaycandan keçən yüklərin artan həcmini nəzərə alsaq, daşımalar sahəsində böyük potensial mövcuddur. Yalnız bu ilin beş ayı ərzində Azərbaycandan tranzit 30 faizdən çox artmışdır. Hesab edirik ki, bu, yalnız başlanğıcdır, çünki burada potensial var. Bir sözlə, geniş əhatəli məsələlər müzakirə edildi. Biz cənab Baş nazirlə artıq uzun müddətdir ki, bir-birimizi telefonla tanıyırıq. İndi isə artıq şəxsən tanış olduq. Sizi görməyimə çox şadam və Sizə Bakıda xoş səfər arzulayıram.
Bolqarıstanın Baş naziri Kiril Petkov dedi:
- Sağ olun, cənab Prezident. Çox məmnunam ki, bir-birimizlə şəxsən görüşürük. Mən artıq qeyd etdim və bir daha söyləmək istəyirəm ki, dostlar o vaxt dost olur ki, problemləri həll edirlər. Masa arxasında olarkən hamı dostdur. Lakin problemi birgə həll etməyə gəldikdə, dostlar yenə də yan-yana olmalıdırlar. Qeyd etmək istəyirəm, ehtiyac yarandığı zaman Siz Bolqarıstanın yanında oldunuz. Bolqarıstan isə Sizin yanınızda olacaq. Enerji sektorunda və ondan başqa sahələrdə bir çox imkanları müzakirə etdik.
Sizin yanaşmanızı dəstəkləyirəm ki, biz Strateji Tərəfdaşlıq sənədini imzaladıq, müzakirələr apardıq, indi isə onları reallığa çevirməliyik. Hökumətimiz indiki tərkibdə gələn bir neçə həftə ərzində, ola bilsin, qalacaq. Lakin qərarlar var və biz tam əminik ki, növbəti hökumət də bizim hökumət olacaq. Biz belə nəticəyə gəldik ki, texnologiya, logistika, Avropaya ixrac, enerji daşıyıcılarının paylanması kimi sahələrdə bir çox işlər görülə bilər.
![](/templates/everyday-106-blue/images/728rkl.jpg)
Daha çox xəbər:
![Azərbaycan və Qırğızıstan prezidentlərinin geniş tərkibdə görüşü keçirildi - YENİLƏNİB](http://azadmedia.az/uploads/posts/2022-04/1650452345_1650440202_7dba915d-9f61-340e-9eb1-5f203db1a687_850.jpg)
Azərbaycan və Qırğızıstan prezidentlərinin geniş tərkibdə görüşü keçirildi - YENİLƏNİB
Gündəm / Siyasət!["Ermənistanla sülh sazişi imzalamaq istəyirik" - İlham Əliyev](http://insanhuquqlari.az/uploads/posts/2022-05/1652878326_1633352624.ilham.jpg)
"Ermənistanla sülh sazişi imzalamaq istəyirik" - İlham Əliyev
Gündəm / Siyasət!["Qırğızıstan və Azərbaycan həmişə bir-birini dəstəkləyir" - İlham Əliyev](http://azadmedia.az/uploads/posts/2022-04/1650458365_1650456916_29d34d74-356a-37e9-99be-23c37188b4f4.jpg)
"Qırğızıstan və Azərbaycan həmişə bir-birini dəstəkləyir" - İlham Əliyev
Gündəm / Siyasət![Prezidentin Ursula von der Leyen ilə geniş tərkibdə görüşü keçirilir](http://azadmedia.az/uploads/posts/2022-07/1658145583_1658144288_62d545b199cdd62d545b199cde16581441771568d1f5cb9c3ea898279838d7676996.jpg)
Prezidentin Ursula von der Leyen ilə geniş tərkibdə görüşü keçirilir
Gündəm / Siyasət![İlham Əliyev və Japarov mətbuata bəyanatlarla çıxış etdilər - YENİLƏNİB](http://azadmedia.az/uploads/posts/2022-04/1650457861_1650456527_32b9e407-7b24-3c59-8dfe-e16dd4f4f536_850.jpg)
İlham Əliyev və Japarov mətbuata bəyanatlarla çıxış etdilər - YENİLƏNİB
Gündəm / Siyasət