Gündəm / Siyasət
21 sentyabr 2022
7
Azərbaycan XİN başçısı ilə ATƏT baş katibi arasında danışıq oldu - FOTO
![Azərbaycan XİN başçısı ilə ATƏT baş katibi arasında danışıq oldu - FOTO Azərbaycan XİN başçısı ilə ATƏT baş katibi arasında danışıq oldu - FOTO](http://azadmedia.az/uploads/posts/2022-09/1663738791_tag_2494-copy.jpg)
Xarici işlər naziri Ceyhun Bayramov BMT Baş Assambleyasının 77-ci sessiyasının yüksək səviyyəli həftəsində iştirakı çərçivəsində ATƏT-in Baş katibi Helqa Şmit ilə görüşüb.
Bu barədə Azərbaycan XİN məlumat yayıb.
C.Bayramov Azərbaycanın ATƏT ilə əməkdaşlığa əhəmiyyət verdiyini, bu xüsusda cari post-münaqişə dövründə ölkəmiz ilə ATƏT arasında əməkdaşlıq proqramının həyata keçirilməsinin vacib olduğunu vurğulayıb.
Bununla yanaşı, Ermənistanın ATƏT çərçivəsində ənənəvi olaraq bir sıra destruktiv fəaliyyətini qeyd edib.
C.Bayramov ATƏT-in Baş katibinə Ermənistanın bölgədə həyata keçirdiyi son genişmiqyaslı təxribatlar və cari vəziyyət, üçtərəfli bəyanatların icrası ilə bağlı məsələlər, iki ölkə arasında münasibətlərin normallaşması istiqamətində Azərbaycanın irəli sürdüyü təşəbbüslər barədə ətraflı məlumat verib.
Nazir Azərbaycan və Ermənistan arasında sərhədlərin delimitasiyası, ərazilərin minalardan təmizlənməsi kimi məsələlərə diqqət çəkib. Son hərbi toqquşmalara və itkilərimizə baxmayaraq, Azərbaycanın sülh müqaviləsi üzrə prosesə vaxt itirmədən başlamağın tərəfdarı olduğunu vurğulayıb.
Helqa Şmit öz növbəsində son toqquşmalardan narahatlığını bildirərək, itkilərə görə baş sağlığı diləklərini çatdırıb. Baş katib ATƏT-in bölgədə uzunmüddətli təcrübələri nəzərə alınaraq, normallaşma prosesinə dəstək verməyə hazır olduqlarını bildirib.
Tərəflər Azərbaycan-ATƏT əməkdaşlığı məsələləri, həmçinin qarşılıqlı maraq doğuran digər məsələlər ətrafında fikir mübadiləsi aparıblar.
![Azərbaycan XİN başçısı ilə ATƏT baş katibi arasında danışıq oldu - FOTO Azərbaycan XİN başçısı ilə ATƏT baş katibi arasında danışıq oldu - FOTO](http://azadmedia.az/uploads/posts/2022-09/1663738773_tag_2502-copy.jpg)
![](/templates/everyday-106-blue/images/728rkl.jpg)
Daha çox xəbər:
![Ceyhun Bayramov Polşanın XİN rəhbəri ilə görüşüb](/uploads/posts/2021-09/medium/1632368925_fotojet-77-1.jpg)
Ceyhun Bayramov Polşanın XİN rəhbəri ilə görüşüb
Siyasət![Ceyhun Bayramov Dmitri Kuleba ilə görüşdü](/uploads/posts/2021-12/medium/1638537896_1638534953.kuleba.jpg)
Ceyhun Bayramov Dmitri Kuleba ilə görüşdü
Gündəm / Cəmiyyət![Ceyhun Bayramov Lavrovla görüşdü - YENİLƏNİB](http://azadmedia.az/uploads/posts/2022-05/1652359475_1652356696_sergey_lavrov_ceyhun_bayramov_211020.jpg)
Ceyhun Bayramov Lavrovla görüşdü - YENİLƏNİB
Gündəm / Siyasət![Ceyhun Bayramov Ermənistan XİN rəhbəri ilə görüşdü](/uploads/posts/2021-09/medium/1632548398_1632546362.425055332.jpg)
Ceyhun Bayramov Ermənistan XİN rəhbəri ilə görüşdü
Gündəm / Siyasət![Ceyhun Bayramov BMT-nin Azərbaycanda rezident əlaqələndiricisi Qulam İsakzai ilə görüşüb](/uploads/posts/2020-09/medium/1599725491_bayramov_qorush_090920_01.jpg)
Ceyhun Bayramov BMT-nin Azərbaycanda rezident əlaqələndiricisi Qulam İsakzai ilə görüşüb
Siyasət