Ukraynada 3 752 dinc sakin öldürülüb - BMT

Rusiyanın fevralın 24-də hərbi müdaxiləsi başlayandan mayın 16-dək Ukraynada 3 752 dinc sakin ölüb, 4 062 nəfər yaralanıb.

Məlumatı BMT-nin İnsan Hüquqları üzrə Ali Komissarlığı İdarəsi yayıb.

Məlumatda bildirilir ki, 1 406 kişi, 927 qadın, 86 qız, 96 oğlan, 68 uşaq, 1 169-u yaşlı olmaqla, 3 752 dinc sakin öldürülüb, 675 kişi, 472 qadın, 96 qız, 104 oğlan, eləcə də 88 uşaq, 2 550-si yaşlı olmaqla 4 062 dinc sakin yaralanıb.

Donetsk və Luqansk vilayətlərində Ukraynanın nəzarətində olan ərazidə 1 926 dinc sakin öldürülüb, 1 648 sakin yaralanıb.

Məlumata görə, hərbi müdaxilə ərzində 250 uşaq öldürülüb.