Serbiya prezidentinin Azərbaycana işgüzar səfəri başa çatıb

Serbiya Respublikasının Prezidenti Aleksandar Vuçiçin Azərbaycan Respublikasına işgüzar səfəri dekabrın 21-də başa çatıb.

Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Serbiya Prezidenti Aleksandar Vuçiçi hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Xələf Xələfov və digər rəsmi şəxslər yola salıblar.