Paşinyan Ərdoğanın inauqurasiyasında iştirak edəcək

Xəbər verdiyimiz kimi, iyunun 3-ü Türkiyədə yenidən prezident seçilən Rəcəb Tayyib Ərdoğanın andiçmə mərasimi keçiriləcək.

Milliinfo.az “NTV”yə istinadən məlumatına görə, tədbirdə Azərbaycan, Şimali Kipr, Qazaxıstanla yanaşı, 20-yə yaxın ölkənin dövlət və hökumət başçılarının iştirakı gözlənilir.

Bununla yanaşı, Ermənistanın Baş naziri Nikol Paşinyanla NATO Baş katibi Yens Stoltenberqin də inauqurasiya mərasiminə qatılmaq üçün Türkiyəyə səfər edəcəyi planlaşdırılır.

Ermənistan Nazirlər Kabineti, öz növbəsində, Paşinyanın andiçmə mərasimində iştirak üçün Ankaraya səfər edəcəyini təsdiqləyib.