Diplomatlar Fəxri Xiyabanı və Şəhidlər Xiyabanını ziyarət edib

9 iyul - Diplomatik Xidmət Orqanları əməkdaşlarının Peşə Bayramı münasibətilə Xarici İşlər Nazirliyinin kollektivi Fəxri xiyabanda Ümummilli Lider Heydər Əliyevin məzarını ziyarət edib.

Məzarın üzərinə əklil qoyulub, Ümummilli Liderin ruhu ehtiramla yad edilib.

Daha sonra görkəmli oftalmoloq alim Zərifə Əliyevanın da məzarı ziyarət olunub, üzərinə güllər düzülüb.

Bunun ardınca Şəhidlər xiyabanı da ziyarət olunub, Azərbaycanın ərazi bütövlüyü uğrunda canlarından keçən vətən oğullarının xatirəsi anılıb.