“ABŞ sülhün olduğu Cənubi Qafqazı dəstəkləməyə sadiq qalır” - Blinken

“ABŞ sülhün olduğu Cənubi Qafqaz regionunu dəstəkləməyə sadiq qalır”.

Bunu ABŞ Dövlət katibi Entoni Blinken "Twitter"də bildirib.

“Dünən tarixi “Blair House”da (Prezidentin Qonaq Evi) birbaşa ikitərəfli müzakirələr üçün Azərbaycan xarici işlər naziri Ceyhun Bayramovu və Ermənistan xarici işlər naziri Ararat Mirzoyanı qonaq etdim. ABŞ sülhün olduğu Cənubi Qafqaz regionunu dəstəkləməyə sadiq qalır”, - Blinken vurğulayıb.

Xatırladaq ki, noyabrın 7-də Azərbaycan və Ermənistan XİN başçıları Vaşinqtonda görüşüb.