Gündəm / Cəmiyyət
29 mart 2023
0
Bu şəxslər üçün viza prosedurları sadələşdirildi - SƏRƏNCAM
![Bu şəxslər üçün viza prosedurları sadələşdirildi - SƏRƏNCAM](https://azadmedia.az/uploads/posts/2023-03/1680096231_1650982839_viza-1584451111.jpg)
Prezident İlham Əliyev 2023 Formula 1 Azərbaycan Qran Pri yarışının təşkili və keçirilməsi ilə bağlı Azərbaycan Respublikasına gələcək əcnəbilər və vətəndaşlığı olmayan şəxslər üçün viza prosedurlarının sadələşdirilməsi haqqında Sərəncam imzalayıb.
Sərəncamda deyilir:
“1. Müəyyən edilsin ki, 2023 Formula 1 Azərbaycan Qran Pri yarışı ilə əlaqədar Azərbaycan Respublikasına gələn və bu Sərəncamın 2-ci hissəsində qeyd edilən sənədlərdən hər hansı birini təqdim edən əcnəbilər və vətəndaşlığı olmayan şəxslər 2023-cü il aprelin 1-dən mayın 15-dək Azərbaycan Respublikasının beynəlxalq hava limanlarında viza ala bilərlər.
2. Aşağıdakı sənədlərdən biri viza verilməsi üçün əsas hesab edilsin:
2.1. Formula 1 yarışlarının beynəlxalq təşkilatçıları olan “Formula One Management Limited” Şirkətinin və Beynəlxalq Avtomobil Federasiyasının müvafiq qaydalarına uyğun olaraq akkreditasiyadan keçməni təsdiq edən akkreditasiya kartı və ya akkreditasiyadan keçməni təsdiq edən digər sənəd;
2.2. Bakı Şəhər Halqası Əməliyyat Şirkətində akkreditasiyadan keçməni təsdiq edən akkreditasiya kartı;
2.3. 2023 Formula 1 Azərbaycan Qran Pri yarışına bilet, o cümlədən elektron bilet və ya biletin əldə olunmasını təsdiq edən sənəd.
3. Azərbaycan Respublikasının Xarici İşlər Nazirliyi:
3.1. 2023 Formula 1 Azərbaycan Qran Pri yarışı ilə əlaqədar Azərbaycan Respublikasına gələn əcnəbilər və vətəndaşlığı olmayan şəxslər üçün viza prosedurlarının sadələşdirilməsi barədə “Formula One Management Limited” Şirkətinə, Beynəlxalq Avtomobil Federasiyasına və xarici ölkələrin müvafiq orqanlarına məlumat versin;
3.2. 2023 Formula 1 Azərbaycan Qran Pri yarışı ilə əlaqədar Azərbaycan Respublikasına gələn əcnəbilər və vətəndaşlığı olmayan şəxslər üçün viza prosedurlarının sadələşdirilməsi, habelə əcnəbilərin və vətəndaşlığı olmayan şəxslərin “ASAN Viza” sistemi vasitəsilə elektron viza almaq imkanı barədə məlumatın Nazirliyin, eləcə də Azərbaycan Respublikasının xarici ölkələrdəki səfirliklərinin və konsulluqlarının internet informasiya ehtiyatlarında yerləşdirilməsini təmin etsin.
4. Azərbaycan Respublikasının Dövlət Miqrasiya Xidməti Azərbaycan Respublikasına uçuşlar həyata keçirən aviasiya şirkətlərinə 2023 Formula 1 Azərbaycan Qran Pri yarışı ilə əlaqədar Azərbaycan Respublikasına gələn əcnəbilər və vətəndaşlığı olmayan şəxslər üçün viza prosedurlarının sadələşdirilməsi barədə məlumat versin”.
![](/templates/everyday-106-blue/images/728rkl.jpg)
Daha çox xəbər:
![Formula 1 Azərbaycan Qran Prisinin həlledici mərhələsi başlayır](/uploads/posts/2019-04/1556428460_750368.jpg)
Formula 1 Azərbaycan Qran Prisinin həlledici mərhələsi başlayır
İdman![Formula 1 Azərbaycan Qran Prisi: İkinci yarış gününün proqramı](/uploads/posts/2019-04/1556345774_750178.jpg)
Formula 1 Azərbaycan Qran Prisi: İkinci yarış gününün proqramı
İdman![Prezident İlham Əliyev Formula 1 Azərbaycan Qran Prisinin qaliblərini mükafatlandırıb](/uploads/posts/2019-04/1556462626_2018_ilham_aliyev_05.jpg)
Prezident İlham Əliyev Formula 1 Azərbaycan Qran Prisinin qaliblərini mükafatlandırıb
İdman!["Formula 1" yarışı başladı](http://azadmedia.az/uploads/posts/2022-06/1654862565_1654859055_2429.jpg)
"Formula 1" yarışı başladı
Gündəm / İdman![Formula 1 üçün ən bahalı bilet neçəyədir?](http://azadmedia.az/uploads/posts/2022-06/1654593646_1621582124_formula-1-gran-prix.jpg)
Formula 1 üçün ən bahalı bilet neçəyədir?
Gündəm / Siyasət