Müdafiə Nazirliyi brifinq keçirib - (YENİLƏNİB -1)

Azərbaycan Müdafiə Nazirliyi brifinq keçirib.

Müdafiə Nazirliyinin Mətbuat Xidmətinin rəis müavini, polkovnik-leytenant Anar Eyvazov sentyabrın 12-də gecə saatlarında Ermənistan silahlı qüvvələrinin bölmələrinin genişmiqyaslı təxribatı barədə ətraflı məlumat verib.

O bildirib ki, Ermənistanın təxribatlarına cavab olaraq əks tədbirlər lokal xarakter daşıyaraq atəş nöqtəsi olan legitim hərbi hədəflərə qarşı yönəlib: "Cavab tədbirləri kiçikmiqyaslı və hədəflənmiş xarakter daşıyaraq Azərbaycan sərhədlərinin təhlükəsizliyini təmin etmək və Ermənistanın təxribatlarına son qoymaq məqsədi daşıyır".

xxx

02:50

Müdafiə Nazirliyinin brifinqi başlayıb.

Müdafiə Nazirliyinin Mətbuat Xidmətinin rəis müavini, polkovnik-leytenant Anar Eyvazov sentyabrın 12-də gecə saatlarında Ermənistan silahlı qüvvələrinin bölmələrinin genişmiqyaslı təxribatı barədə ətraflı məlumat verir.

Qeyd edək ki, sentyabrın 12-də gecə saatlarında Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədib.

xxx

02:48

Bir neçə dəqiqə sonra Azərbaycan Respublikası Müdafiə Nazirliyinin brifinqi olacaq.

Bu barədə Azərbaycan dövlət televiziyasının (AZTV) efirində qeyd olunub.

Brifinq saat 02:00-a planlaşdırılıb. AZTV brifinqi canlı yayımlayacaq.