“Gənclərin Anti-narkomaniya” ictimai birliyi narkomaniya əleyhinə layihəyə start verdi

“Gənclərin Anti-narkomaniya” ictimai birliyi Azərbaycan Respublikası Gənclər Fondunun maliyyə yardımı ilə “Sərhədyanı rayonlarda gənclərin narkomaniya əleyhinə mübarizəsini stimullaşdırmaq məqsədi ilə maarifləndirmə kampaniyasının aparılması” layihəsini icra edir. Layihənin əsas məqsədi narkotik maddələrin və psixotrop maddələrin gənclər arasında yayılması və istifadəsinin qarşısının alınması, narkomaniya əleyhinə genişmiqyaslı təbliğat işlərinin aparılması, narkomaniya əleyhinə təbliğat işləri aparmaqla mənfi təsirlərə məruz qalan gənclərin sayının azalmasına nail olunması, rayonlarda yaşayan gənclərin sosial aktivliyinin təmin edilməsi istiqamətində Azərbaycan dövlətinin həyata keçirdiyi tədbirlərə dəstək olmaq, mövzuya aid məzmunlu və təsirli sosial videoçarx hazırlayaraq ictimaiyyətə təqdim edəcək.

Layihənin müddəti 4 ay olmaqla, 21 dekabr 2022-ci il – 21 aprel 2023-cü il tarixləri arasında həyata keçiriləcək. Layihə rəhbəri Büllur Məmmədovadır. Layihə çərçivəsində hazırlanmış videoçarxın Astara, Lənkaran, Masallı və Cəlilabad rayonlarında gənclərə nümayiş etdirilib aidiyyəti dövlət orqanlarının nümayəndələrinin və həmin rayonların sakinlərinin, tələbələr iştirakı ilə konfrans keçiriləcək.