Prezident seçkilərinin II turunun - Detalları

Xəbər verdiyimiz kimi, mayın 28-i Türkiyədə prezident seçkilərinin ikinci turu keçiriləcək.

Milliinfo.az “TRT Haber”ə istinadən məlumatına görə, ölkənin Ali Seçki Şurasının (YSK) sədri Ahmet Yener sözügedən proseslə bağlı bəzi detalları açıqlayıb.

Onun sözlərinə görə, bülletendə namizədlərin sırasında hər hansı dəyişiklik edilməyəcək. Belə ki, hazırkı Prezident Rəcəb Tayyib Ərdoğanın adı birinci, CHP sədri Kamal Kılıçdaroğlunun adı isə ikinci olaraq qeyd ediləcək.
Ətraflı

Yener, bununla yanaşı təşviqat prosesinin başladığını da vurğulayıb.
YSK sədri qeyd edib ki, mayın 19-u seçkilərin birinci turunun yekun nəticələri açıqlandıqdan sonra, mayın 20-si ölkə xaricində səsvermə prosesi başlayacaq və mayın 24-ü başa çatacaq.

Proses yerli vaxtla saat 08:00-da başlayıb 17:00-da bitəcək.