İsrailin səhər hücumu: ölənlərin sayı 200-ə çatır

 
İsrail ordusu sentyabrın 23-də Livanda Hizbullahın 150-dən çox hədəfinə hücum edib.

Bu barədə İsrail ordusu X səhifəsində məlumat yayıb.

“Səhərdən etibarən İsrail ordusunun Hərbi Hava Qüvvələri onlarla qırıcıdan istifadə edilərək 150-dən çox hədəfə hücum edilib”, - məlumatda bildirilib.

***

İsrail ordusunun Livanın cənubundakı Hizbullah mövqelərinə endirdiyi zərbələr nəticəsində 100 nəfər ölüb, 400-dən çox adam yaralanıb.

***

İsrail ordusunun Livanın cənubundakı Hizbullah mövqelərinə endirdiyi zərbələr nəticəsində ölən və yaralananların sayı artıb.

Livan Səhiyyə Nazirliyinin yaydığı məlumata görə, ölənlərin sayı 182-ə, yaralananların sayı 727-ə yüksəlib.