DİM sədri: Azərbaycanda psixometriya sahəsi üzrə mütəxəssislərin sayı çox azdır

Azərbaycanda psixometriya sahəsi ilə məşğul olanların sayı azdır.

Bunu Dövlət İmtahan Mərkəzinin (DİM) sədri Məleykə Abbaszadə "Tapşırıq halqaları modeli: metodologiya və tətbiq imkanları" kitabının təqdimat mərasimində deyib.

Onun sözlərinə görə, test yaratmaq sadə iş deyil:

"Testin yaradılması mürəkkəb elmi iş və prosesdir. Bu, psixometriyaya aid sahədir. Azərbaycanda bu sahə üzrə mütəxəssislərin sayı olduqca azdır. Müəyyən qədər var, amma on milyonluq Azərbaycandakı məktəb və universitetlərin sayı ilə nisbətdə rəqəm çox aşağıdır".

M.Abbaszadə əlavə edib ki, testlərin formalaşması, yoxlanılması, qiymətləndirilməsi üçün kifayət qədər peşəkar mütəxəssis tələb olunur.