Zelenski yeni beynəlxalq təşkilat yaratmağı təklif etdi

Ukrayna prezident Volodimir Zelenski dünyada aclığın qarşısını almaq üçün beynəlxalq təşkilat yaratmağı təklif edib.

O, bu barədə Davosda Dünya İqtisadi Forumunun iştirakçılarına xüsusi videomüraciətində bildirib.

Ukrayna liderinin sözlərinə görə, aclıq hələ başlamamış halda "yalnız profilaktik olaraq" dayandırılmalıdır.

"Amma indi dünyada belə bir vasitə yoxdur. Və biz insan hüquqlarına və qlobal ticarət qaydalarına hörmətlə hərəkət edə biləcək məsuliyyətli və demokratik ərzaq ixrac edən dövlətlərdən ibarət təşkilat yaratmağı təklif edirik. Və Ukrayna belə yeni təşkilat üçün platforma təqdim etməyə hazırdır", - deyə Zelenski bildirib.