Beyləqanda yanğın olub, xəsarət alan var

Milliinfo.az

Beyləqan rayonunda ümumi sahəsi 24 m² olan talvarın altında həcmi 5 litr olan 1 ədəd məişət qaz balonu, xalça və yataq dəsti yanıb.

"Report" Fövqəladə Hallar Nazirliyinə istinadən xəbər verir ki, yüksək temperaturdan talvarın lambirindən ibarət tavanı 1 m² sahədə əriyib.

Yanğın zamanı 1 nəfər xəsarət alıb. Talvarın qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.