Regional Təhsil İdarələrinə təyinatlar olacaq

"Yaxın günlər ərzində Regional Təhsil İdarələrinə yerdəyişmələrin aparılmasına başlanılacaq".

Bunu jurnalistlərə açıqlamasında təhsil naziri Emin Əmrullayev deyib.

Nazir bildirib ki, artıq Regional Təhsil İdarələrinin strukturu təsdiq olunub:

"Yaxın günlər ərzində yerli təhsil şöbələrində çalışan insanların yeni struktura köçürülməsi, eləcə də müvafiq qaydada yeni təyinatların olması nəzərdə tutulub. Hesab edirəm ki, bu ayın sonuna qədər Regional Təhsil İdarələrinin ilkin səviyyədə tam fəaliyyəti təmin ediləcək".