Gündəm / Siyasət
28 yanvar 2023
8
İlham Əliyev Misir Prezidentini qarşıladı

Azərbaycana səfərə gələn Misir Ərəb Respublikasının Prezidenti Əbdülfəttah Əs-Sisinin yanvarın 28-də rəsmi qarşılanma mərasimi olub.
Hər iki ölkənin Dövlət bayraqlarının dalğalandığı meydanda Misir Prezidentinin şərəfinə fəxri qarovul dəstəsi düzülüb.
Azərbaycan Prezidenti İlham Əliyev Misir Ərəb Respublikasının Prezidenti Əbdülfəttah Əs-Sisini qarşılayıb. Fəxri qarovul dəstəsinin rəisi Misir Prezidentinə raport verib.
Prezident Əbdülfəttah Əs-Sisi Azərbaycan əsgərlərini salamlayıb.
Prezident İlham Əliyev və Prezident Əbdülfəttah Əs-Sisi fəxri qarovul dəstəsinin qarşısından keçiblər.
Misir Ərəb Respublikasının və Azərbaycan Respublikasının Dövlət himnləri səsləndirilib.
Azərbaycan nümayəndə heyəti Misir Prezidentinə, Misir nümayəndə heyəti isə Azərbaycan Prezidentinə təqdim olunub.
Fəxri qarovul dəstəsi hərbi marşın sədaları altında Azərbaycan Prezidenti İlham Əliyevin və Misir Prezidenti Əbdülfəttah Əs-Sisinin qarşısından keçib.
Dövlət başçıları rəsmi foto çəkdiriblər.

Daha çox xəbər:

Misir Prezidenti Azərbaycana gəldi
Gündəm / Siyasət
Litva Prezidentinin Bakıda qarşılanma mərasimi oldu
Gündəm / Siyasət
İlham Əliyevin Daşkənddə rəsmi qarşılanma mərasimi olub
Gündəm / Siyasət
Misir Prezidenti Azərbaycana səfər edəcək
Gündəm / Siyasət
İlham Əliyev Albaniyaya getdi - Fotolar + Yenilənib
Gündəm / Siyasət