Mürsəl İbrahimov rəisi işdən çıxardı - Yeni təyinat

Səfərbərlik və Hərbi Xidmətə Çağırış Dövlət Xidmətinin (SHXÇDX) Bakı şəhəri Xətai rayon idarəsinin rəisi Yalçın Sadıqlı vəzifəsindən azad edilib.

Bu barədə Xidmətdən “Unikal”a məlumat verilib.

Bununla bağlı SHXÇDX-nin rəisi Mürsəl İbrahimov əmr imzalayıb.

Bildirilir ki, digər əmrə əsasən, Nicat Həsənov Xətai rayon idarəsinin rəisi vəzifəsinə təyinat alıb.

Qeyd edək ki, N. Həsənov bundan əvvəl Dövlət Xidmətinin Binəqədi və Sabunçu rayon idarəsinin rəisi olub.