Milliinfo.az

Azərbaycan nefti bahalaşıb

Hazırda "Azeri Light" markalı neft həm Rusiyanın “URALS” markalı neftindən, həm də "Brent Dated"dən bahadır.

CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti mayın 13-də 31,2 dollar/barel təşkil edib ki, bu da əvvəlki göstəricidən 0,42 dollar/barel çoxdur.

Narahatlıq qayıdır. Neft qiymətləri yenə düşür
Bu barədə Sputnik Azərbaycan-a ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti 30,15 dollar/barel təşkil edib ki, bu da əvvəlki göstəricidən 0,47 dollar/barel çoxdur.

Novorossiysk limanından yüklənən URALS neftinin qiyməti isə 28,55 dollar/barel təşkil edib ki, bu da əvvəlki göstəricidən 0,37 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti 28 dollar/barel olub ki, bu da əvvəlki göstəricidən 1,55 dollar/barel çoxdur.



Read more: https://sputnik.az/economy/20200514/423928359/azerbaycan-nefti-bahalashib.html