Rusiyada Şaxta babanın xəz paltosu və əsası oğurlandı

Sankt-Peterburqda naməlum şəxs Şaxta baba obrazını canlandıran aktyorun avtomobilindən kostyum və əsasını oğurlayıb.

Aktyor hüquq-mühafizə orqanlarına müraciət edib.

Zərərçəkmiş bildirib ki, işə gedərkən ərzaq mağazasında dayanıb. Ərzaq almaq bir neçə dəqiqə çəkib, lakin qayıdandan sonra Şaxta babanın kostyumunun və əsasının maşında olmadığını görüb.

Hüquq-mühafizə orqanları hazırda şübhəliləri müəyyənləşdirir və itmiş əşyaları axtarırlar.

Mənbə: gazeta.ru