"Müharibə veteranlarının təqaüdü iki dəfə artırılmalıdır" - Deputatdan AÇIQLAMA

"Müharibə veteranlarına verilən təqaüdün məbləği ən azı iki dəfə artırılmalıdır".

Bunu "Unikal"a açıqlamasında deputat Fazil Mustafa deyib. Deputat bildirib ki, onlar müharibənin bütün sıxıntılarını yaşamış insanlardır:

"Doğrudur, burada da müəyyən məqamda çeşidləmə lazımdır. Bəzi insanlar müxtəlif vasitələrlə bu adı alıblar. Haqqı çatmayan insanların bir-iki günlük ezamiyyətdə aldıqları müharibə veteranı adları var. Amma xeyli hissə döyüş bölgəsində fədakarlıq edib və əziyyət çəkib. Bunları nəzərə almaq lazımdır. Onların təqaüdlərinin 2 dəfə artırılması zəruridir və bu cəmiyyətdə ədalətli addım kimi qəbul olunar".