Səfir: Almaniya Azərbaycanın Qarabağdakı yenidənqurma səylərini dəstəkləyir

“Mina riski hələ də bir çox ərazilərdə təhlükə yaratmaqdadır”.

Bu fikirləri Bərdəyə səfər edən Almaniyanın Azərbaycandakı səfiri Ralf Horlemann “X” hesabında yazıb.

Bərdədə Beynəlxalq “Qızıl Aypara” Cəmiyyətinin nümayəndələri ilə görüşən diplomat bildirib ki, ölkəsi Azərbaycanın Qarabağdakı yenidənqurma səylərini dəstəkləyir:

“Mən bu gün Bərdədə Qarabağdaki insanlara dəstək olan böyük əməyinin şahidi oldum. Keçmiş təmas xəttinə yaxın yaşamaq insanlar üçün ağır olmuşdur; mina riski hələ də bir çox ərazilərdə təhlükə yaratmaqdadır. Almaniya yenidənqurma səylərində Azərbaycanı dəstəkləyir” - deyə, diplomat bildirib.