Moped sürücülərindən nə zaman vəsiqə tələb olunacaq? - DYP-dən AÇIQLAMA

Moped sürücüləri ilə bağlı qanunvericiliyə dəyişiklik edilir.

Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli açıqlamasında bildirib ki, hökümətdə bununla bağlı müzakirələr yekunlaşıb:

"Hələlik bununla bağlı qərar olmasa da, Daxili İşlər Nazirliyi tərəfindən verilən təkliflər müsbət qarşılanıb. Məsələ artıq hökümətdaxili proseduru keçib və Milli Məclisə göndərilib. Növbəti mərhələdə qanun layihəsi qanunverici orqan tərəfindən təsdiqlənməlidir", - deyə o əlavə edib.

Qeyd edək ki, kiçik həcmli motorlu mopedlər, elektrovelosipedlər üçün qeydiyyat nişanının tətbiq olunması və onlardan A1 sürücülük vəsiqəsi tələb edilməsi nəzərdə tutulub.