Milliinfo.az

Bakı Metrosu bayram günlərində işləyəcəkmi? - AÇIQLAMA

Mayın 24 və 25-i Azərbaycanda Ramazan bayramının qeyd edilməsi gözlənilir. Bayram günlərində Bakı Metropolitenində məhdudiyyətlər ola bilərmi?

Bununla bağlı Sonxeber.az-a danışan "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov bildirib ki, heç bir məhdudiyyət olmayacaq: "Pandemiya dövründə metropolitenin fəaliyyəti ilə bağlı qaydaları Operativ Qərargah təyin edir. Operativ Qərargahın qərarları və metodiki göstəricilərinə uyğun fəaliyyətimizi qurmuşuq. Metropoliten özünün texniki imkanları və sərnişinlərin məlumatlandırılması baxımdan bütün imkanlarında istifadə edir ki, Operativ Qərargahın metodiki göstərişlərinə tam riyaət olunsun. Amma sərnişinlərdən də çox şey asılıdır. Sərnişinlər zərurət olmasa metropolitendən istifadə etməməlidir. Hamımız birlikdə çalışmalıyıq. Metropoliten üzərinə düşən işi imkanları daxilində maksimum dərəcədə edir. Hətta qatarlar da maksimal qrafiklə çalışırlar. Bayram günlərində də gücləndirilmiş iş rejimi ilə çalışacağıq".