Gündəm / Cəmiyyət
12 iyul 2024
0
Onlar üçün xüsusi viza müraciət sistemi işə salındı
BMT-nin İqlim Dəyişmələri üzrə Çərçivə Sazişinin Tərəflər Konfransının Bakıda keçiriləcək 29-cu sessiyasında (COP29) iştirak edəcək əcnəbilər üçün xüsusi viza müraciət sistemi işə salınıb.
Müvafiq məlumat COP29-un rəsmi internet portalında dərc edilib.
Qeyd edilib ki, əcnəbi iştirakçılar Azərbaycana birdəfəlik giriş vizası əldə etmək üçün sözü gedən sistemin xidmətlərindən istifadə edə bilər. Onlar Azərbaycanı tərk etmək və COP29-un davam etdiyi günlərdə yenidən geri qayıtmaq istəyərsə, bu halda bir daha UNFCCC-nin təqdim etdiyi qeydiyyat nömrəsindən istifadə edərək, viza müraciəti prosesini təkrarlamalıdır.
İştirakçıların qeydiyyatı UNFCCC-nin onlayn qeydiyyat sistemi vasitəsilə təsdiqləndikdən sonra onlara e-poçtla UNFCCC qeydiyyatını təsdiqləyən viza üçün müraciət linki göndəriləcək. Saytdakı məlumatda diqqətə çatdırılıb ki, bu məqsədlə Azərbaycana gələcək əcnəbilərin pasportları aktiv olmalı, etibarlılıq müddəti ölkəmizin ərazisinə daxil olduqları tarixdən azı 6 ay sonrakı dövrü əhatə etməlidir.
İştirakçılara göndəriləcək xüsusi elektron viza formasında sözügedən sənədin verilmə müddəti qeyd olunacaq. Orada əks edilən məlumatlarda viza sənədinin 30 noyabr 2024-cü ilədək qüvvədə olması göstəriləcək.
“COP29 xüsusi vizasında vizanın verilmə tarixi qeyd ediləcək və bu viza 30 noyabr 2024-cü il tarixinədək etibarlı olacaq.
Viza sahibləri Azərbaycan Respublikasına bu tarixdən əvvəl daxil olmalıdırlar”, - məlumatda bildirilib.
Vizanın əldə olunması üçün hər bir iştirakçı link vasitəsilə daxil olaraq müvafiq formanı doldurmalı və tələb olunan sənədlərin elektron versiyalarını təsdiq məqsədilə portala yükləməlidirlər:
“Müraciət təsdiq edildikdən sonra COP29 xüsusi vizanızı vebsaytdan yükləməyiniz üçün sizə vizanızı təsdiq edən e-poçtla link göndəriləcək. İştirakçılara UNFCCC-də qeydiyyat təsdiqləndikdən dərhal sonra COP29 xüsusi vizası üçün müraciət etmələri tövsiyə olunur. Vizanın statusunu izləmək üçün UNFCCC qeydiyyatını təsdiq edən e-poçtdakı viza portalı linkindən istifadə edilməlidir”.
Həmçinin iştirakçılar vizaların verilməsi ilə bağlı suallar üçün [email protected] elektron poçt ünvanına müraciət edə bilərlər.
![](/templates/everyday-106-blue/images/728rkl.jpg)
Daha çox xəbər:
![COP29 prezidenti iqlim həftəsi çərçivəsində Londonda bir sıra görüşlər keçirib](https://www.xeberler.org/uploads/posts/2024-06/medium/1719238541_fd532494-c93d-3ac9-a065-2bcbe44c7392_850.jpeg)
COP29 prezidenti iqlim həftəsi çərçivəsində Londonda bir sıra görüşlər keçirib
Gündəm / Cəmiyyət![Lüksemburqun Böyük Hersoqu COP29-a dəvət edilib](https://www.xeberler.org/uploads/posts/2024-04/medium/1714392234_51b18d6d-f552-3b44-a8ca-fd9e246f72a2_850.jpg)
Lüksemburqun Böyük Hersoqu COP29-a dəvət edilib
Gündəm / Cəmiyyət![Prezident COP29-un Azərbaycanda keçirilməsi ilə əlaqədar vergi güzəştlərini təsdiqləyib](https://azadmedia.az/uploads/posts/2024-06/1717663797_6cfa4b76-74f1-39d8-a593-3838e9591392_850.jpg)
Prezident COP29-un Azərbaycanda keçirilməsi ilə əlaqədar vergi güzəştlərini təsdiqləyib
Gündəm / Siyasət![Azərbaycan vətəndaşlarının vizasız gedə biləcəyi ölkələr - SİYAHI](/uploads/posts/2021-10/medium/1635574767_camadan_bkk.jpg)
Azərbaycan vətəndaşlarının vizasız gedə biləcəyi ölkələr - SİYAHI
Gündəm / Cəmiyyət![Bu şəxslər üçün viza prosedurları sadələşdirildi - SƏRƏNCAM](https://azadmedia.az/uploads/posts/2023-03/1680096231_1650982839_viza-1584451111.jpg)
Bu şəxslər üçün viza prosedurları sadələşdirildi - SƏRƏNCAM
Gündəm / Cəmiyyət