"Qərb yalan danışır" - Putin

Qərb ölkələri Rusiya taxıl və gübrələrin tədarükünə mane olur, həmçinin Rusiya Federasiyasını qlobal ərzaq bazarında mövcud böhran vəziyyətində ikiüzlülüklə ittiham edir.

Bunu Rusiya prezidenti Vladimir Putin Rusiya-Afrika sammiti zamanı çıxışında deyib.

“Bu yanaşma xüsusilə BMT Katibliyinin iştirakı ilə bağlanmış qondarma taxıl sazişinin həyata keçirilməsində özünü açıq şəkildə büruzə verdi”, - Rusiya lideri bildirib.

O, ilkin taxıl müqaviləsinin qlobal ərzaq təhlükəsizliyini təmin etmək, aclıq təhlükəsini azaltmaq və Afrika da daxil olmaqla ən yoxsul ölkələrə kömək etmək məqsədi daşıdığını açıqlayıb.