"İnanın, həyatımın silləsini aldım" - Mahsun Kırmızıgül

Türkiyədəki güclü zəlzələdən sonra bir çox məşhurlar hadisə yerinə gedib və onlardan biri də müğənni Mahsun Kırmızıgül olub.

Miliiinfo.az Türkiyə mətbuatına istinadən xəbər verir ki, fəlakət bölgəsinə gedən sənətçi sosial media hesabında ardıcıl paylaşımlar edərək kömək istəyib:

"Adıyamanda insanlar gecəni küçələrdə keçirir. Minlərlə insan yaxınlarından səs və ya xəbər gözləyir. Çox emosional səhnələr və filmlər çəkdiyimi düşünürdüm. Halbuki heç vaxt məni bu qədər sarsıdan, məhv edən faciə ilə rastlaşmamışdım. İnanın, həyatımın silləsini aldım. Zəlzələnin mərkəzində, xalqımızın nəzərində hələ də doğmalarının sağ qalması ehtimalı və ümidi var. Qaranlıqda bir çuxurdakı işıq kimidir. Sözün bitdiyi yerdəyəm. Amma hər şeyə baxmayaraq, ümidimizi itirməyəcəyik. Mən fəlakət zonasındayam. Burda hamı çətinlik çəkir. Mən və komandam Kahramanmaraş və Adıyaman bölgəsində "DOST" ilə koordinasiyada işləyirik. Kömək edin. Ehtiyac siyahılarında olan materialları hazırlamaq və ya göndərmək istəyənlər mənimlə əlaqə saxlaya bilərlər" deyə paylaşımda qeyd edib.